संस्थाको ऐतिहासिक पृष्ठभूमि
२०६४ साल श्रावण १६ गते ६ जना महिला र ३४ जना पुरुष गरी ४० जना सदस्यहरुको भेलाबाट प्रतिव्यक्ति एक-एक लाख शेयर पूँजीबाट स्थापना भएको संस्थाले, कम पूँजी तथा निम्न आय भएका श्रमिक, किसान, साना-व्यापारी, उद्यमी र सर्वसाधारणलाई सदस्यता प्रदान गरी सदस्यको आर्थिक जीवनस्तर उकास्ने काम गरेको छ । हाम्रो यस सहकारी संस्थाले आफ्ना शेयर सदस्यहरुलाई जन्मदेखि मृत्युपर्यन्त सेवा दिई रहेको छ, जसका कारण सहकारीले आफ्नो पहिचान स्थापित गर्न सफल भएको छ । तत्कालिन डिभिजन सहकारी कार्यालय ललितपुरमा २०६४ श्रावण १६ गते दर्ता भई २०६४ साल असोज १ गतेबाट कारोबार शुरुवात गरी अहिले हामी १५ औं वर्ष पुरा भई १६ औं वर्षमा संचालित छौं । डेढ दशक भन्दा लामो ईतिहास रचेको यस संस्था आज हामीहरु बीच गरिमामय संस्थाको रुपमा स्थापित भइसकेको छ । सदस्यहरुलाई सामाजिक, साँस्कृतिक र आर्थिक रुपमा समृद्ध बनाउने यस संस्थाको मुख्य उद्देश्य रहेको छ । यस संस्थाको कार्यक्षेत्र ललितपुर जिल्ला भित्रको ललितपुर महानगरपालिकाको वडा नं १ देखि वडा नं २९ सम्म, गोदावरी नगरपालिकाको वडा नं १ देखि वडा नं १४ सम्म र महालक्ष्मी नगरपालिकाको वडा नं १ देखि वडा नं ४ सम्म रहेको छ ।
