हाम्रो संस्था संचालन अवधिको १५ औं वर्ष पूरा गरी १६ औं वर्षमा प्रवेश गरेको सुखद खबर आदरणीय शेयरसदस्य महानुभावहरु समक्ष जानकारी गराउन पाउँदा मलाई अत्यन्तै खुशी लागेको छ । हाम्रो संस्थाले गत आ.व. ०७७/०७८ को तुलनामा चालु अ.व ०७८/०७९ मा समग्र वित्तिय कारोबार लगायत अन्य विविध क्षेत्रमा सन्तोषजनक प्रगती हासिल गर्न सफल भएको छ ।

सदस्यहरूको आर्थिक, सामाजिक र साँस्कृतिक आवश्यकता पूरा गरी उनीहरूलाई समृद्ध बनाउन सहयोग पुरायाउने सम्पूर्ण वित्तीय समाधान सहितको पहिलो छनौटको सबल र सक्षम संस्थाको रूपमा स्थापित गर्ने परिकल्पनालाई पूरा गर्ने प्रक्रियामा संस्थामा आबद्ध सम्पूर्ण सहकारीकर्मीहरूको योगदान अतुलनीय छ । वित्तीय सहकारी अभियानमा नेतृत्वदायी भूमिका निर्वाह गर्ने सक्षमताको विकासको साथै संस्थाको सपनालाई सार्थक बनाउन संस्थाले चालेका विभिन्न अभियानमा यस संस्थाका सञ्चालक समिति, लेखा सुपरीवेक्षण समिति, उपसमितिहरू, कर्मचारीहरू लगायत सदस्य एवं बालबचतकर्ताहरूको नियमित सहयोगले यस संस्थाको संख्यात्मक तथा गुणात्मक क्षेत्रमा प्रगतिको उल्लेखनीय फड्को मार्न सक्षम भएको छ ।

आगामी दिनमा संस्थाले सदस्य र समुदायको विकास एवम् जीवनस्तरमा उल्लेख्य सुधार ल्याउने कार्यक्रम ल्याउनुपर्छ र त्यसको केही खाकाहरु तयार भइसकेका पनि छन । मलाई विश्वास छ टेवाको अनुभवी समूहले संस्थाले अगाडि ल्याएका सबै योजनालाई विगतमा जस्तै भविष्यमा पनि सफल बनाउँदै लैजानेछ । हामीलाई माया र सहयोग गर्ने सबैलाई हार्दिक आभार सहित धन्यवाद दिन चाहन्छु ।

जय सहकारी ! जय टेवा !

लब कुमार खड्का
अध्यक्ष