हाम्रो संस्था सञ्चालन अवधिको १८ औं वर्ष सफलतापूर्वक पूरा गरी १९ औं वर्षमा प्रवेश गरेको सुखद अवसरमा आदरणीय शेयर सदस्य महानुभावहरू समक्ष यो जानकारी गराउन पाउँदा म अत्यन्तै हर्षित छु।

हाम्रो संस्थाले गत आर्थिक वर्ष २०८०/०८१ को तुलनामा चालु आर्थिक वर्ष २०८१/०८२ मा समग्र वित्तीय कारोबार तथा अन्य विविध क्षेत्रमा सन्तोषजनक प्रगति हासिल गर्न सफल भएको छ। सदस्यहरूको आर्थिक, सामाजिक तथा सांस्कृतिक आवश्यकताहरू पूरा गर्दै उनीहरूलाई समृद्ध बनाउने उद्देश्यसहित सम्पूर्ण वित्तीय समाधान प्रदान गर्ने पहिलो रोजाइको सबल तथा सक्षम संस्थाको रूपमा स्थापित हुने हाम्रो परिकल्पना क्रमशः साकार हुँदै गएको छ।

यस उपलब्धिमा संस्थामा आबद्ध सम्पूर्ण सहकारीकर्मीहरूको योगदान अत्यन्तै महत्वपूर्ण र सराहनीय रहेको छ। साथै, सञ्चालक समिति, लेखा सुपरीवेक्षण समिति, विभिन्न उपसमितिहरू, कर्मचारीहरू, तथा सदस्यहरूको निरन्तर सहयोग र सहभागिताले संस्थालाई संख्यात्मक तथा गुणात्मक दुवै क्षेत्रमा उल्लेखनीय प्रगति हासिल गर्न सक्षम बनाएको छ।

 

हामीलाई निरन्तर माया, विश्वास र सहयोग प्रदान गर्नुहुने सम्पूर्ण सदस्य तथा शुभेच्छुकहरूमा हार्दिक आभार व्यक्त गर्दै धन्यवाद ज्ञापन गर्न चाहन्छु।

जय सहकारी! जय टेवा!

लब कुमार खड्का
अध्यक्ष